اوپیک اتحاد تیل کی پیداوار میں اضافے پر متفق

اوپیک پلس ممالک نے تیل کی پیداوار میں معمولی اضافہ پر اتفاق کیا ہے جو کہ روزانہ تقریباً ایک لاکھ 37 ہزار بیرل ہو سکتی ہے، یہ فیصلہ تیل کی پیداوار بڑھانے کے لیے کیا گیا ہے۔ اوپیک اتحاد کے 8 اہم ارکان بشمول سعودی عرب اور روس کا اتوار کو کہنا تھا کہ انہوں نے اپنی تیل کی پیداوار میں مزید معمولی اضافے پر اتفاق کیا ہے۔اس گروپ نے ورچوئل میٹنگ کے بعد بیان میں کہا کہ 137000 بیرل فی یومیہ اضافہ دسمبر سے لاگو ہوگا اور اگلے تین مہینوں تک اس سطح پر رہے گا۔ اعلان کردہ اضافہ تجزیہ کاروں کی توقعات کے مطابق ہے۔تاہم کچھ مبصرین اس اضافے کو ناکافی قرار دے رہے ہیں۔