سب سے بڑا بحری جہاز امریکی خام تیل لیکر پاکستان پہنچ گیا

پاکستان اور امریکا کے درمیان تجارتی معاہدے کے بعد سب سے بڑا پہلا بحری جہاز امریکی خام تیل لے کر پاکستان پہنچ گیا ہے۔امریکی خام تیل سے لدے بحری جہاز کی سنرجیکو کے آئل ٹرمینل پر آمد ہوچکی ہے جو کہ 10 لاکھ بیرل خام تیل لے کر آیا ہے۔ 1لاکھ 35 ہزار ٹن خام تیل کے ساتھ پاکستان آنے والا یہ سب سے بڑا تیل کا جہاز ہے۔اس کے بعد اگلے ماہ ایک اور امریکی خام تیل کا جہاز پاکستان آئے گا، یہ بحری جہاز پیگاسس امریکی خام تیل کے ساتھ 14 ستمبر کو ہیوسٹن سے روانہ ہوا اور پاکستان پہنچا۔جو کہ پاک امریکہ تجارتی معاہدے کی پہلی کڑی ہے۔