چین اور نیدرلینڈز کے درمیان تجارتی تنازع نے یورپی آٹو انڈسٹری کو تباہی کے دہانے پر پہنچا دیا ہے۔جرمن کمپنی بوش کا کہنا ہے کہ تنازع کے باعث پیداوار متاثر ہونے کا خدشہ ہے۔بی ایم ڈبلیو اور مرسڈیز نے بھی سپلائی چین پر دباؤ کی تصدیق کی ہے۔
نیدرلینڈز کی جانب سے چینی کمپنی نیکسپیریا پر قبضہ کیا گیا تھا جس کے جواب میں چین نے کمپنی کی مصنوعات کی برآمد پر پابندی عائد کر دی۔اگر تنازع جلد حل نہ ہوا تو پلانٹ کے ملازمین کو عارضی فارغ کیا جا سکتا ہے۔کمپنی پیداوار برقرار رکھنے کیلئے کوشش کر رہی ہے لیکن بندش کا خطرہ ہے۔
سلزگیٹر پلانٹ میں 1400 ملازمین الیکٹرک گاڑیوں کیلئے کنٹرول یونٹس تیار کرتے ہیں۔ نیکسپیریا چپس گاڑیوں کے پرزہ جات میں وسیع پیمانے پر استعمال ہوتے ہیں۔جرمن مزدوریونین کا کہنا ہے کہ کچھ کمپنیوں نے پہلے ہی ملازمین کی چھٹیاں شروع کر دی ہیں۔
